Ny atao hoe famadihana dia famonosana lamba vaovao ny razana izay efa maty,
na koa famongarana azy indray. Fomba fampitana ny maty ho amin’ny tontolon’ny razana.
Marihina fa tsy ny rehetra no mamadika. Ohatra ny andriana.
2. Ny endrika isehoan’ny famadihana
Mety hiseho amin’ny endrika maro ny famadihana:
Famonosan-damba ny razana izay milevina ao amin’ny fasan-drazana.
Famindrana ny razana ao amin’ny fasam-bao.
Fampidirana am-pasan-drazana ny faty natao an’irotra.
Fampodiana am-pasan-drazana ny taolam-balo ny olona maty tany am-pilana ravin’ahitra.
Samy manana ny fomba fanatanterahany ny famadihana ny faritra na foko.
Sakalava : Fafa Lolo (fanadiovana ny ivelan’ny fasana).
Tanosy sy Antaisaka : Takombato (fananganana tsangam-bato asiana tandrok’omby).
Betsileo Atsimo : Mandofo Razana (tsy mikasika ny razana fa rakofana lamba avy eo ambony).
3. Ny rafitry ny fomba
Ny fanomanana
Mitady vola herintaona mialoha.
Mijery andro tsara any amin’ny mpanandro.
Mivory ny fianakaviana rehefa tapa-kevitra.
Mangataka alalana any amin’ny fanjakana.
Mividy ny zavatra rehetra ilaina.
Milaza mialoha amin’ny mpiara-monina.
Ny fanatanterahana
Mivory ny fianakaviana sy ny fiarahamonina.
Vonoina ny omby vadika.
Manafana ny lanonana ny dobok’amponga, mozika na hira gasy.
Mifanampy amin’ny fikarakarana rehetra ny rehetra.
Anaovana sakafo ny vahiny rehetra.
Misy fanomezam-bola atao hoe sao-drazana, atero ka alao, kao-drazana na tsodranon-drazana.
Entina mandihy ny lamban-drazana na ny razana.
Mitondra tsihy kely hametrahana ny razana.
Avoaka sy fonosina tsirairay ny razana.
Ifandrombahan’ny vehivavy te hiteraka ny tsihy rehefa vita ny famonosana.
4. Ny hevitra fonosin’ny fomba
Fangataham-pitahiana amin’ny razana.
Fanaovana adidy.
Fanamafisana ny fihavanana sy ny firaisan-kina.
Fampiraisana karan-doha ny mpianakavy.
Fametrahana ny razana amin’ny toerana ambonimbony kokoa mba hahafahany mitahy.
Fijerena andro tsara mba hahazoana fitahiana.
Mikoka : fiantsoana ny razana mialoha ny lanonana.
Ny mozika sy hira gasy dia mariky ny fifaliana.
Ny toaka dia maneho fanajana sy fanomezam-boninahitra.
Ny tsihy ao ambany kidoro dia inoana hitondra faramandimby.
Ny fanotronan’ny mpiara-monina dia mariky ny fihavanana sy firaisan-kina.
Soatoavina manan-danja teo amin’ny Malagasy ny famadihana.
Na izany aza, ny fivavahana kristianina dia mahatonga azy hihen-danja amin’ny olona sasany,
satria heverina ho fanompoan-tsampy izany.
6. Ny vokatra ateraky ny famadihana
6.1 Ny tsara
Fitazonana ny fomban-drazana.
Fanamafisana ny fihavanana sy ny firaisankina.
Fifankahalalan’ny mpianakavy.
Fiezahana hitady vola.
Mahavita adidy amin’ny razana.
Fikarakarana ny tanin-drazana.
Fialam-boly ho an’ny fokonolona.
6.2 Ny ratsy
Mandany vola.
Mandany fotoana.
Mety hampiady ny fianakaviana.
Mety hanimba fahasalamana.
Mety hisy ady noho ny hamamoana.
Mampitamberina ny alahelo.
Mampisara-bazana ny te hamadika sy ny tsy te hamadika.