NY HAITENY NA FITSIPIKY NY TENY

Fintina sy fanazavana momba ireo sokajin-teny amin'ny teny Malagasy

I - NY ANARANA

Ny anarana dia teny entina iantsoana olona, biby, zavatra na hevitra, azo tsapain-tanana na tsy azo tsapain-tanana.

Karazany

  • Anaran-tsamirery : Ikoto, Antananarivo, Ramboa...
  • Anarana iombonana : mpianatra, vorona, fanjaitra...
  • Anarana angoty : Neny, Kaky, Bavy...
  • Anaram-bosotra : Peta, Bory, Katsetsoka...
Ohatra : Milalao baolina ny mpianatra.

II - NY MATOANTENY

Ny matoanteny dia teny milaza asa atao, fihetsika na toe-javatra mitranga.

Karazany

  • Matoanteny fototeny
  • Matoanteny sampanteny aman-tovona
  • Matoanteny sampanteny aman-tovana
  • Matoanteny sampanteny aman-tsirinteny sara-droa
  • Matoanteny sampanteny aman-tsofoka
Ohatra : Manidina ny vorona.
Avy foana ny orana.

III - NY MPAMARI-TOETRA

Ny mpamari-toetra dia teny milaza toetra, fihetsika, bika aman'endrika.
  • Mpamari-toetra fototeny : kely, fohy, faly...
  • Mpamari-toetra sampanteny
Bikana sy tsara tarehy i Kemba.

IV - MPAMARITRA ISA

Teny entina ilazana isan-javatra na laharan-javatra.
Karazany Ohatra
Isa fototra iray, roa, telo...
Laharana faharoa, fahatelo...
Ampahany ampahatelony
Fampitomboana indroa, intelo
Fe-potoana hateloana, hefarana

V - NY MPAMPIFANDRAY

Teny kely mampifandray teny na fehezan-kevitra.

Karazany

  • Mpampitohy : sy, ary, sady, nefa, kanefa...
  • Mpampiankina : raha, rehefa, satria, mba, noho ny...

VI - MPISOLO MANONDRO

Teny misolo zavatra na toerana tondroina.
Tokana Maro Tsy hita maso
ity, io, iny ireto, ireo, ireny izao, izany

VII - MPISOLO TENA

Teny misolo olona, biby na zavatra tsy tiana haverimberina.
Laharana Mahaleo tena
1 izaho
2 ianao
3 izy
4 isika
5 izahay
6 ianareo
7 izy ireo

VIII - TAMBINTENY SY MPANAMPY

Tambinteny

Teny mameno sy manova ny hevitry ny teny eo alohany.

Ohatra : ihany, mihitsy, tokoa, angamba, foana...

Mpanampy

Teny mameno ny hevitry ny teny eo akaikiny ary mipetraka eo alohany.

Ohatra : te, mila, tokony, mbola, efa, tsy, aza...