🛠️
<== Miverina
1. Famaritana
Ny hasina dia entina ilazana ny singantsingany na fizarazarana ao anatin'ny
bolongana iray (ohatra: hasim-boasary).
Izy koa dia anondroana ny hery anaty na ivelan'ny zava-manan'aina sy tsy manan'aina
izay ahafahany manao zavatra manokana mihoatra noho ny hafa mitovy aminy.
Matetika hajaina izany hery izany satria mety ho mahagaga,
mamonjy na mampatahotra.
Misy ihany koa ny zava-maniry antsoina hoe hasina izay maniry amin'ny tahony
ary ampiasaina ho haingon-trano.
2. Famaritan'ireo mpandinika
Siméon RAJAONA
“Ny heviny voalohany dia hoe toetra sy hery anaty ahafahana manao zavatra manokana.”
“Ny heviny faharoa dia fomba fihetsika ivelany enti-maneho ny fiekena sy ny fanoavana
izany toetra sy hery anaty izany.”
Régis RAJEMISA-RAOLISON
“Hery ananan'ny zavatra iray, na toetra ambony tsy azo tsiratsiraina,
manome hery na fahefana mihoatra ny toetran'olombelona.”
“Haja sy hamendrehana ananan'ny tsirairay.”
“Vola na zavatra hafa atao fanomezana amin'ny fotoana na toe-javatra sasantsasany,
toy ny hasin-jaza na hasin-tanana.”
3.1 Ny vokatry ny fananana hasina (Tsara)
- Mahatonga ny olona ho mendrika kokoa noho ny hafa.
- Mampirindra ny fifandraisana eo amin'ny samy olona.
- Mampisy fifanajana (ohatra: ray aman-dreny sy zanaka).
- Miteraka fanajana ny tontolo iainana.
- Mampitombo ny finoana.
3.2 Ny vokatry ny fananana hasina (Ratsy)
- Mampieboebo sy mampizahozaho.
- Miteraka tahotra.
- Mahatonga finoanoam-poana.
- Mitarika amin'ny fanompoan-tsampy.
- Mampanaotao foana.
- Mety hitarika amin'ny fandringanana ny zavaboary.
4. Ny toetra ananan'ny hasina
- Mety ho very na hanjavona raha tsinontsinonina.
- Mety ho faty noho ny fanitsakitsahana ny zon'ny manana azy.
- Mety hitombo arakaraka ny fihetsika sy ny asa ataon'ny olona.
- Azo ampitaina amin'ny hafa ihany koa.
5. Ny karazana hasina
👤 Hasin'ny tsirairay
Ohatra: hasin'ny mpanjaka,
hasin'ny ray aman-dreny,
hasin'ny vatana.
⛪ Hasin'ny toerana
Ohatra: fasana,
doany,
fiangonana,
zoro firarazana.
🌿 Hasin'ny zavaboary
Ohatra: madiro,
hazo kily,
vato,
zavamaniry fitsaboana.
6. Ohabolana sy Ohapitenenana
✨ Masina ny tanindrazana
✨ Ny adidy hasina, ny andraikitra voninahitra