🛠️
<== Miverina
1. Famaritana
1.1 Ara-piforonan-teny
Avy amin’ny fototeny hoe “arina” ny teny hoe
marina, izay enti-milaza fijoroana sy fipetraka tsara tsy
mihilana. Ny marina dia ilay tena izy, mifanaraka amin’ny zava-misy,
tsy nasiana fanampiny na fanesorana.
1.2 Ara-kevi-teny
- Toe-javatra iarahan’ny besinimaro manaiky.
- Toe-javatra misy porofo tsy azo lavina.
- Zavatra maharesy lahatra na dia tsy misy porofo aza (ohatra: finoana).
1.3 Andian-teny ahitana ny hoe “Marina”
- Marin-drano : mitovy tantana.
- Marin-tampona : tampon-kavoana mitovy tantana.
- Tany marina : tsy mikitoantoana.
- Marin-toerana : mijoro tsara tsy mihilana.
- Marim-pototra : azo porofoina, mitombina.
- Filaza marina : fanambarana mifanaraka amin’ny zava-nisy.
- Hevitra marina : hevitra azo porofoina sy eken’ny saina.
- Olo-marina : olona azo itokisana, tsy mandainga ary tsy mamitaka.
2. Fototra iorenan’ny Marina
Fanarahana ny lalĂ na ifampifehezana
Marina miorina amin’ny fifanarahana
Fanaporofoana ara-tsaina sy ara-tsiansa
Marina miorina amin’ny finoana
Fanajana ny anjara toerana eo amin’ny fiarahamonina
Fanatanterahana adidy aman’andraikitra
Fiarovana ny aina
3. Ny Toetran’ny Marina
- Tokana ny marina.
- Tsy azo totofana na afenina.
- Saro-tadiavina.
- Manify sy miafina.
- Miovaova araka ny toerana sy ny fotoana ary ny zava-misy.
- Tsy maintsy mibaribary na ho ela na ho haingana.
Fanamarihana :
• Tsy ny marina rehetra no tokony holazaina avy hatrany.
• Manana ny fotoanany ny filazana ny marina.
• Mety ho takona ny marina noho ny fitiavan-tena, ny vola ary ny voninahitra.
4. Vokatry ny Fitandroana ny Marina
4.1 Tsara
- Filaminan-tsaina
- Fandriampahalemana
- Fifampitokisana
- Fiarovana ny fihavanana
- Fifanajana
- Firindran’ny fiarahamonina
- Fampandrosoana ny fihariana
- Mampanam-panahy
4.2 Ratsy rehefa tsy hajaina
- Diasadisa sy fialonana
- Fikorontanan’ny fiarahamonina
- Ady sy korontana
- Fisaraham-bazana
- Famoizana aina
- Fanohintohinana ny fananam-panahy
5. Sakana Tsy Ahitana ny Marina
- Henatra
- Kolikoly
- Fihavanana tafahoatra
- Fahefana
- Tahotra valifaty
- Fananan-karena
- Tahotra
- Lainga
- Fitiavan-tena
- Finoana manakana ny fanekena ny zava-misy
6. Tenin'ny Mpandinika
“Mangidy andro andrenesana matetika ny filazana ny marina.”
— Joseph Rabetafika
“Ny tanintsika leitsy tsy mahantra olo-manga fa mahantra olo-marina.”
— J. Nalisoa Ravalitera
“Vidio ny marina ka aza amidy fa io no maha olom-banona.”
— Fredy Rajaofera
“Tsy mampaninona ny milaza ny marina.”
— Clarisse Ratsifandrihamanana
“Hiadana ny tany raha ny marina no ampanjakaina.”
— A. Rakotovao
“Ny fahamarinana no hanim-pihinana, ny rariny no rivotra ivelomana.”
— Michel Andrianjafy
7. Ohabolana sy Fomba Fiteny
- “Teny zato, kabary arivo fa ny marina tokana ihany.”
- “Ny marina tsy mba maty.”
- “Ny olo-marina tahaka ny vato lava sorona.”
- “Ny marina toy ny afo raha kobonina mandoro.”
- “Ny marina toy ny trondro vaventy; tsy hita raha tsy amin’ny rano lalina.”
- “Ny marina toy ny volamena latsaka am-bovoka ka tsy avelan’ny hasoany tsy hihiratra.”
- “Fanafodin’ny osa ny marina ataony.”
- “Ny marina mitavozavoza tsy mahaleo ny lainga tsara lahatra.”
- “Mahavonjy poritra fa tsy mahavita taona ny lainga.”
- “Aza manao lainga marivo tototra ka helezin’ny akoho tokan’anaka.”